BAHIJJA 110-115

[9:10PM, 9/28/2016] *BAHIJJA* *110*- *115*
Tana d'akin ta Shema'u k'anwar ta ta shigo tace Anty kin yi bak'i.
Tace daga Ina, nifa banson takura wallahi.
Ta ce Mata inaga kamar wannan mak'ociyar ki.
Tace to ki shigo dasu, nan ta fita ta shigo dasu.
Suna shigowa taga cewa maman Zahra ce da Mum zee, nan ta tashi ta taryo su cikin murnar ta da sakin fuskar ta.
Nan Shema'u ta kawo musu kayan motsa baki da abinci.
Bayan sun gaisa Mmn Zahra tace shikenan kin gujemu ko waiwaye babu.
Tayi murmushi tace ba gamu tare ba yanzu, kuma muna waya.
Mum zee tace wallahi baki kyauta ba wa yace maki ana tashi gidan miji saboda kishiya, shifa lamarin duniya sauk'i Gare shi sai Wanda ya wahalda kanshi.
Kuma kishiya abokiyar zama ce don wani lokaci zaka ci amfanin ta itama zata ci naki.
Mmn Zahra ta kar6e tana Mai cewa har fa kullum kina yabon halayen Bahijja kuma kin fad'a da kan ki cewa kullum kina yi Mata addu'a Allah ya bata miji nagari.
In kin manta in tuna maki har cewa kika yi da kina da d'an Uwa namiji da kinsa ya aure ta.
Me yasa ba zaki yarda cewa mijin ki shine mafi alkhairi a gareta ba.
Yanzu mum zee ba zata zama ishara gareki kisan cewa ba duka aka taru aka zamo d'aya ba, gasunan suna zaman su lafiya tamkar ya da k'anwa.
Nan Lateefa ta saukar da wata nauyayyar ajiyar zuciya, tace nifa kar kuga abinda ke tayar min da hankali tamkar Amarya ta shigo cikin gida ta nemi fitar da uwargida.
Wata ma in kina da yara zata nemi hanyar da zata bi ta wulak'antar da su ga ubansu.
Mmn Zahra ta kar6e tana Mai cewa yarda kika San amare da tasu matsalar to ko uwayen gida suna da tasu matsalar, saboda wata uwargida ba zata fitar da Amarya ba amma wallahi zata yi silar wulak'anta ta yarda ko y'ar aiki zata fita daraja, ke dai kawai muyi fatar Allah yadatar damu da kiyoshi na gari masu zuciyar imani.
Mum zee ta kar6a da ameen tana Mai cewa kuma gaskiya kinga wani lokaci uwayen gida Nada tasu matsala.
Abu na farko zaki ga wata da zarar ance za ayi Mata kishiya to zaki ga ta Fara hauka tana sakin maganganu da zasu fita har sukai ga kunnen amarya kinga girma ya fad'i.
Abu na biyu azo ayi aure uwargida ta k'i kama girman ta, shima hakan na kawo raini tsakanin zama saboda kin sake taga makwancin ki.
Amma gaskiya muddin kika rik'e girman ki koda Amarya ta shigo bazata raina kiba kuma in kin dace da tsayayyen miji saboda ko su da tasu matsala.
Mmn Zahra tace yanzu miye ribar ki kinfita kinbar gida, kuma hakan bai hana auren ba don yanzu haka suna Dubai shida Amarya, kinga kuwa kin d'aga musu k'afa susha amarcin su hankali kwance.
Nan tashin hankalin Lateefa ya k'aru saboda batasan sunyi tafiyar ba, Umma ta hana agaya Mata saboda ko y'an gidan ta rage mu'amala dasu ko yaushe tana d'aki.
Nan take ta mik'e ta lalabo layin ta data d'ebe ta saka shi a waya saiga text message d'in shi na shigowa na ban hak'uri, sai ga wasu zafafan hawaye na sauko wa daga idon ta na tausayin kan ta.
Nan dai suka rarrashe ta har ta sauko kuma tayi masu alk'awari zata ba Kimba mamaki don zai dawo ya taradda ita d'akin ta.
*******************
A can Dubai kuma su Shureim sun shirya sai asibiti domin su duba jikin Gwaggo.
Suna shiga Bahijja ta had'a Mata tea Mai kauri tasha sannan ta jik'a towel ta shafe Mata jikin ta.
Nan Gwaggo ta rik'a kuka tana cewa y'ar Baba ki yafemin na cuce ki na zalunce ki yanzu gashi dake da mijin ki ke wahala dani.
Malam yace ki daina wannan kukan bayada fa'ida.
Tace malam dole in yi kuka nan ta rik'a zayyano irin cutar da ta rik'a yima Bahijja har zuwa yanzu data so 6atar da ita Allah ya nuna Mata abinta.
Ta d'ora da cewa ko mahaifiyar ta nice nayi silar zuwan ta barzahu, saboda ciwon ta na tashi malam ya fita kasuwa ni na saka filo na danne ta saida ta daina numfashi.
Nan Bahijja ta fad'i sume, malam ko yayi mutuwar tsaye inda Shureim ya bita da kallon tsana ji yake yi tamkar ya k'arasa gundule k'afar ta d'aya.
Sannan ya durk'usa yana jijjiga Bahijja da k'arfi yace _Heeja_.
© *SDY* *JEGAL*
[9:10PM, 9/28/2016] *BAHIJJA* *115*- *120*
Da sauri Baban ta shima yayo kan ta.
Nan Shureim yayi sauri ya Kira Dr yana shigowa ya bada umurnin a shigar da Bahijja wani d'aki na kusa da Gwaggo har zuwa lokacin bata numfashi.
Dak'yar likita ya samu ta farfad'o sai numfashi take Mai dawa sama-sama.
Dr ya dubi Shureim yace a daina tayar Mata da hankali don ta razana sosai.
Shureim yace za a kiyaye inshaAllah.
Baban ta na ganin ta farfad'o yayi hamdala, yace ma Shureim su tashi su koma masauki.
Shureim yace Baba lokacin komawar mu bai yiba fa.
Yace to ni kasa akaini Ku Ku zauna, hakan Shureim ya rik'o hannun Bahijja suka samu taxi sai masaukin su.
Har suka je idon Bahijja basu daina zubar da hawaye ba.
Shureim yakai duban shi gare ta yace Heeja ki daina kukan hakan nan ya isa, ko hakan Gwaggo ta rayu taga k'ask'anci.
Lallai duniya abin tsoro ce yanzu akan kishi mutum zai iya kashe d'an uwan sa.
Bahijja ta nisa tace banzaci k'iyayyar da Gwaggo ke yimin har takai hakan ba, na zata abin nice bata k'auna Ashe ko mahaifiya ta tasha wahala Gare ta.
Yace *Heeja* kiyi hak'uri wannan tsakanin ta da ubangiji ne ko zata mutu ta taradda abinda ta shuka, ranar da na kad'e ki da mota na hango tsananin tashin hankali cikin k'wayar idon ki Wanda har Mum sai da nagaya ma.
Nan dai ya yita rarrashin ta tare da nuna Mata salon tashi k'auna zuwa gareta.
Yace *Heeja* ki d'an bani tak'aitaccen tarihin zaman ki da margyayi.
Nan ta nisa tace zaman mu da margyayi zama ne na tausayawa da kuma k'auna irin wadda ke tsakanina dashi, don tun muna k'auye yake tausaya min sosai akan ganin uk'ubar da nake ciki.
Silar kuma samu na da kayi cikakkiyar budurwa wannan ya faru ne sanadiyyar alk'awarin da ya d'auka kan cewa ba zai sadu daniba har sai na mallaki hankalin kaina nasan miye aure.
Saboda ga wannan lokacin kawai na zata Mace ta yiwa mijin ta girki yaci shine aure.
In har ban manta ba akwai lokacin da muna kallon wani film na Hausa naga wata Mata nata kwarara amai har na tambaye shi mike damun ta.
Yaba ni amsa da cewa ciki ne da ita, sai na cemai to naga mijin baima bata abinci ya aka yi har cikin ta yayi k'ato.
Nan yayi murmushi yace lallai Bahijja kina da saura ko yanzu.
Ana saura kwana biyu ya rasu yaso ya cika burin shi akai na to ganin cewa na tsora ta sosai yasa ya k'yale ni.
Wannan shine babban tashin hankali na da aka ce ya rasu sai Ina ganin tamkar ban kyauta mashi ba, nan wani kuka yazo Mata.
Har cikin ran shi yaji zafin kukan nata sai yake ganin cewa tamkar tafi son margyayi akan shi.
Wata zuciyar tace Mai to dama cewa ta yi tana son ka, in har baka manta ba ai Dad ne ya had'a Ku aure.
D'ayar zuciyar tace to ai tun ranar da ka Fara d'ora idon ka akan ta ka Fara jin tausayin ta, kuma lokacin da margyayi ya gaya ma ita zai aure ka tuna da damuwar da ka shiga.
Ganin cewa ta yima nisa ne yasa ka ya kice ta daga zuciyar ka.
Amma hak'ik'anin gaskiya yadda yake jin *Heeja* har cikin ran shi baya jin son Lateefa hakanan, saboda Lateefa ita ta nuna soyayyar ta zuwa gare shi har ya amince Mata suka Kai ga aure.
Jin kukan ta ya tsanan tane yasa ya dawo hayyacin shi, hakan ya kori shaid'an daga zuciyar shi dake ingiza shi kishi da matacce.
Ya Jan yota jikin shi yana rarrashi daga hakan suka Lula duniyar ma'aurata.
Yau ne Lateefa ta koma gidan Shureim domin ta bi shawarwarin k'awayen ta data Kira aminnan k'warai.
Da taimakon Mum Zee da Mmn Zahra ta jajirce gurin koyon girke-girke, sun saka ta group na koyon girki ta whatsap, kuma sun had'a Mata da littafai su ma na girki domin su k'ara taimakon ta.
Amma fa can k'asan zuciyar ta ta d'aukar ma kanta wani k'udiri Wanda ita kad'ai tasan dashi.
Yau kawai taji tana son zuwa gidan Mum, bayan ta shirya ta cema Bizzy ta shirya suje tare.
Suna shiga Mum ta tarbe ta tace Lateefa kin gama fushi da Mum d'in ki?
Tayi murmushi ta soke Kai nan ta zauna suka yita hira da Mum har ta taya ta aikin dare tace Mum don Allah kar ki gayama Kimba cewa na dawo inaso inyi surprise d'in shi ne.
Mum tace ja'ira kawai kina zaman ki lafiya da mijin ki kishiya zata fitar da ke saboda shegen kishin ki na tsiya.
Cikin ran ta tace Mum dake San k'udiri na da baki yi murnar ganin na sauko ba.
Da hakan tayi sallama da Mum suka wuce ita da Bizzy.
(Anya kuwa wahalar Bahijja ta k'are ko kuma zata fad'a ta kishiya ne)
© *SDY* *JEGAL*
[9:11PM, 9/28/2016] *BAHIJJA* *120*- *125*
Yau ne su Bahijja suka cika sati biyar a Dubai, kuma ba laifi Gwaggo tana taka k'afar ta d'aya, d'ayar kuma sai da sanda take tafiya.
Har yanzu malam fushi yake yi da Gwaggo saboda ko a mafalki baiyi tunanin zata iya kashe koda kiyashi ba barranta na mutum.
Tabbas yana jin mutane da dama na cewa Gwaggo na wahalar da Bahijja, amma ko kad'an tunanin shi bai bashi abin gaskiya bane saboda yana ganin yarda take tarairaya da ita, ya zata kawai ana son had'asu ne.
Haka suka tar kato kayan su sai gida Nigeria, koda suka sauko daga jirgi direba yazo d'aukar su daga gidan su Shureim.
Gidan su Shureim suka Fara sauka sai da Mum ta cika musu cikin su da abinci, sannan aka k'ara ja jantama Gwaggo da jiki, ita ko sai kuka take yi tana k'ara yi masu godiya.
Bayan sun huta ne malam ya k'ara yima Alhj Suleiman godiya kan d'awai niyarda ya d'auka ta lalurar Gwaggo.
Alhj yace haba malam salisu ai an zama d'aya kuma yanzu tsohuwar abota ta motsa tunda d'iya sun k'ara had'a mu, nan suka tafa suna dariya had'e da d'auko hirar zaman k'urciyar su.
Zuwa k'arfe biyar Alhj yasa direba ya kaisu Kimba, nan suka rabu da Bahijja har da guntun hawayen ta na rabuwa da Baban ta.
Suna isa garin su suka ga gidan su ya canza, malam na fito wa yayi tsaye yana waige-waige.
Nan direba ya fitar da key d'in gidan yaba malam, ya d'ora da cewa tun tafiyar ku Alhj yasa aka rushe gidan Ku aka maida shi haka, kuma duk wani abin amfani ya zuba maku aciki.
Nan malam yayi mutuwar tsaye har da guntun hawayen shi na murna.
Bai k'ara sarewa da lamarin Alhj ba sai da ya shiga gidan, babban Falo ne da d'akuna uku cikin shi, ko wane d'aki ciki da falo ne da toilet ko wane da gado da wardrobe acikin shi, sai kuma falo da aka zuba saitin kujeru.
Sai kuma filin gida da aka yi dogon d'aki na saukar bak'i da toilet aciki.
Nan Gwaggo ta zube sai kuka take yi tana Mai k'ara nadamar abinda ta aika ta.
Kota kanta malam bai koma ba ya shige d'ai daga cikin d'akunan sannan ya fita ya sallami direba yana k'ara yimai godiya tamkar shi ya bashi kyautar gidan.
Yace ka yimin godiya ga Alhj kamin inzo, ya amsa da to sannan ya tada mota ya hau hanya sai gidan margyayi maigari saboda sauke kayan abinci da Alhj yace ya kawo masu.
Kamin kace kwabo y'an ganin gida da y'an Allah sanya alkhairi da y'an gulmar ganin yada Gwaggo ta koma suka cika gida.
Can na jiyo hirar wasu mata su uku bayan fitowar su daga gidan.
D'ayar tace jummai kinga yada Allah ya mayar da lami ko, nan da can bata iya d'agawa saida sanda.
Wadda aka Kira da jummai tace ke dai bari ladiyo don ma ance surikin Bahijja ne ya taimaka ya kaita k'asashen waje aka yi Mata aiki aida yanzu wallahi ta ru6e sai tsutsa.
Can Hasana ta kar6e tace lallai lami taga jarabawa don azabar da ta gana ma y'ar Baba ba k'ara maba ce don ma Allah ya tak'aita Mata abin ya tsaya a haka.
Ladiyo tace nidai jin nayi ance wai malam salisu sayar da Bahijja yayi ga wani Mai kud'i shiyasa ya gyra Mai gidan shi haka.
Jummai tace wallahi ba haka bane d'an gidan margyayi Mai gari ne, baki ganin duk karkarar nan babu gidan da yakai gidan su kyawo, kuma mutum ne Mai son taimaka ma talakawa.
Kina ganin ko garin nan ya shigo yadda yake rabon kud'i ga mutane, an ce ma can birni rijiyar kud'i ne dashi.
Nifa duk Ina jin wannan labari ne daga kaka ta, saboda kishiyar tace k'awar Mai aiki gidan margyayi Mai gari.
Nan suka kar6e su biyun suna cewa ahhh lallai dole kisan labarin gidan.
Jin gyran murya bayan sune yasa suka waiga Ashe malam ne zai fito daga gidan su ko sun tare hanya.
Nan ko wacen su taja raggan k'afafun ta tayi gaba sum-sum, shiko yayi murmushi ya girgiza Kai alamar yaji maganar su, _lolx_.
© *SDY* *JEGAL*