BAHIJJA 95-100

[9:10PM, 9/28/2016] *BAHIJJA* *95*- *100*
Lateefa ta shirya ta dawo falo tana jiran shi, yana fitowa suka wuce, saboda zai sauke ta gidan su Muftah shiko zai wuce wurin d'aurin aure.
An d'aura auren *MUFTAH* da matar shi *BILKISU* *BILYAMIN* sai dai fatar zaman lafiya tsakanin su.
Sai zuwa dare da aka Kai Amarya Shureim ya rako ango sannan ya wuce da Lateefa.
Nan yake yiwa Muftah sharri kan cewa sai sun zo barka nan da wata tara, saboda naga zumud'in naka yayi yawa.
******** *********
Yau tun safe Lateefa ke Kai kawo a gidan, tana ba Bizzy umurnin abinda zata dafa.
Can ta shiga d'akin Shureim yace wai yau me ya hana ki zama haka?
Tace ka manta na gaya ma Sis zata zo muna yini yau.
Yace OK shine kike ta rawar Kai haka, ni na zata daga wata k'asa za kiyi bak'i, saboda naga wataran baki tashi daga bacci sai k'arfe goma, amma yau kece da tashi tun takwas.
Tayi murmushi tace Kimba wallahi Ina ji da Sis Bahijja ne tamkar k'anwata Shema'u, naga Kai ko tausaya Mata baka yi.
Nan yayi murmushi yace asha aiki lafiya, koda bak'uwar taki ma sai dai taci girkin y'ar aiki ya bita da gwalo.
Gane cewa tsokana yake ji yasa ta k'yale shi ta shiga wanka.
Koda ta fito ta shirya sai ta dawo falo ta zauna, bata fi minti goma da zama ba sai ga Bahijja ta iso ita da k'awar ta Yagani.
Hakan ta shek'o ta rungume Bahijja sai murna take yi, tace ma Yagani bismillah zauna mana.
Hakan suka zauna tasa Bizzy ta cika masu wuri da kayan tand'e-tand'e da lashe-lashe.
Suna zaune suna hira ne sai ga Shureim ya fito cikin shiga ta alfarma, ya saka k'ananan kaya ga sajen shi ya kwanta luf, ya had'u iya had'uwa ga kwarjini da ya cika fuskar shi.
Nan Bahijja ta durk'usa har k'asa tace yaya ina wuni.
Ya amsa da k'alau ya d'ora da cewa ya karatun, ya kuka baro Mum?
Tace k'alau Alhmdulillah.
Nan ma Yagani ta gaida shi, ya amsa yace to akula da karatun.
Nan yakai duban shi ga Lateefa yace to ni zan fita, nan ta rakashi sai da ya tada mota sannan ta dawo.
Bayan su Bahijja sun ci iya abin da zasu ci, nan ta jasu har bedroom d'in ta suna ta hira, Lateefa tace yaushe zaku gama karatun?
Tace nan da shekara guda.
Jin kiran azzahar ne yasa suka tashi domin sauke farali.
Bayan sun gama sallah ne Bahijja ta shiga kicin ita da Yagani ta had'a masu abincin dare, sannan suka kimtsa zuwa tafiya gida.
Lateefa tace kiyi hak'uri Kimba ya dawo sai ya sauke Ku nima inaso in bishi in gaida Mum.
Da k'yar ta samu suka zauna, sai da Shureim ya dawo yaci abinci yayi wanka ya canza kaya yayi shigar manyan kaya.
Nan ya kwashe su suka wuce, Yagani ya fara saukewa Lateefa ta bata ledar kayan Shafa tayi godiya sannan suka wuce gida.
Nan suka zauna gurin Mum suna ta hira sai daga baya suka wuce.
********** **********
```BAYAN``` ```SHEKARA``` ```D'AYA```
Yau ne Bahijja suka gama exam d'in su ta k'are health, daka dube su zaka San cewa suna cikin farin ciki.
Bayan fitowar su da kar6ar address d'in juna kowa ya Kama gaban shi.
Hakan kowa yaje gida cikin farin ciki da murna.
_BAYAN_ _KWANA_ _UKU_
Kamar yadda suka yi alk'awari da Mum kan cewa in ta gama karatu yazo ya wuce da ita.
Hakan yasa yau malam ya zo domin zuwa da Bahijja gida, koda yazo ya taradda Baban margyayi ma yazo hakan suka zauna aka tattauna rayuwar yau da kullum.
Cikin hakan ne Dad yace malam salisu Zan k'ara Neman wata alfarma Karo na biyu zuwa gare ka.
Malam yace haba Alhj wace irin alfarma ce wannan, na gaya ma babu shamaki tsakanin mu.
Ya yi murmushi yace d'an ka Shureim zaka bawa Bahijja aure.
Baban margyayi yace Alhj ya akayi kasan abinda ke cikin zuciya ta, dama wannan maganar ce ta kawo ni.
Nan dai suka yi maganar aka aje d'aurin aure sati guda masu zuwa.
Malam yace to zai je da Bahijja gida sai ranar alhamis zata dawo.
Hakan suka d'ungu ma sai Kimba, saida suka sauka malam yake gayama Bahijja meke faruwa.
Tace Baba don Allah ka taimakeni Ku janye wannan maganar, bazan iya auren Yya Shureim ba, innayi hakan na yaudari Anty Lateefa.
Yace kiyi hak'uri y'ar Baba ba yin kaina bane, kuma kinsan mutanen nan sunfi k'arfin komai a wurin mu.
Gwaggo tace kiyi hak'uri shi aure nufi ne na ubangiji, nan suka rarrashe ta sannan ta tashi ta koma d'aki.
Tana shiga d'aki ta fasa kuka maicin rai, tace mutuwa Mai yankan k'auna, yanzu da wane ido Zan kalli Anty Lateefa naje Mata matsayin kishiya.
Tana cikin tunanin ne taji Gwaggo saman kan ta, tace shegiya mayya kin lashe musu yaro ya mutu yanzu kin koma ga d'an cikin su.
To wallahi Bari in gaya maki ko Zan tafi tsira ra ba zaki aure shi ba, makwad'aiciya Mai idon cin nera ta Kai Mata rank'washi sannan ta fita.
Bayan taje ziyara dangin innar ta, kuma taje gidan su margyari har gidan lantana sai da taje.
Yau Mum ta turo direba ya koma da Bahijja, sannan tasa aka d'auko Mata Lateefa.
Nan ta had'a su tana yi masu nasiha sannan ta furta ma Lateefa abinda ke faruwa.
Dama an gaya ma Shureim ya amsa ba yabo ba fallasa sai dai fargabar had'uwar shi da Lateefa.
Lateefa ta bi Mum da ido tace bangane ba.
Mum tace saura kwana biyu auren Shureim da Bahijja.
Idon sun k'ank'ance ta bud'a baki zata yi magana kome ta tuna, sai ta zabura ta nufi hanya tamkar zararra.
Mum na kiran ta ko waiwayo ta bata yiba da saurin ta tafita daga gidan.
Bahijja ta rik'a kuka maicin rai tace Mum kiyi hak'uri ki janye maganar nan, kin ga Lateefa ba zata ji dad'i ba.
Mum tace mu mukasan dalilin wannan had'in, in kema zaki bijiremin ne kamar yada Lateefa ta yimin to bisimillah, ta tashi ta wuce d'akin ta tabar Bahijja nan.
Yau ne mutane suka shaida auren
_SHUREIM_ _SULEIMAN_
*DA*
_BAHIJJA_ _SALISU_
A garin Kimba, Allah ya basu zaman lafiya.
(Masoyan Bahijja Ku fito Ku taya ta zaman kishi da Lateefa, _lolx_)
© *SDY* *JEGAL*
[9:10PM, 9/28/2016] *BAHIJJA* *100*- *105*
Duk mutanen k'auyen Kimba sun shirya an yi mota uku har da dangin innar Bahijja sun nufi jega gurin auren Bahijja.
Amma koda aka yima Gwaggo magana kan a shirya sai tace su tafi zata zo daga baya sai ta kar6oma d'iyar ta wasu abubuwa.
Bayan sun wuce Gwaggo tayi gurin bokan ta, tace boka d'an dugaji na rasa ya Zan yi da wannan shegiyar yarinya nidai yanzu na yarda akashe ta ko a 6atar da ita.
Hhhhhhhh dama tun farko nace ki bari ayi hakan kika k'i, amma yanzu tunda kin amince Zan baki wasu ruwa ki k'ok'ar ta kamin a fita da ita zuwa gidan mijin ki saka Mata su cikin ruwan wanka, hakan zai yi sanadiyyar 6acewar ta har abada.
Da sauri ta tari mota tayi sa'a da saura mutum guda ta fad'a suka kama hanya.
Har sun kusa isowa jega wata babbar mota tabi ta kan motar su, nan aka kwashe su sai asibiti wasu sun rasu, wasu kuma sun ji rauni.
********* ***********
Lateefa na shiga gida ta fad'a saman jikin mamar ta sai kuka take yi.
Umma tace lafiyar ki kuwa, wa ya rasu?
Da k'yar tayi shiru ta gaya ma Umma meke faruwa.
Nan Umma taja dogon tsaki tace in zai yi aure shine me, dama cewa aka yi dake kad'ai zai zauna sha-sha-shar banza da wofi.
Kuma ni hakan yayi min dai-dai sai shegen kishi amma bakisan ya zaki gyra tumbin mijin ki ba, dama nasan hakan zai faru komi dad'ewa.
Tana cikin yi Mata fad'an ne sai ga Abban ta ya sauko nan yake tambayar meke faruwa.
Umma ta yi Mai bayani nan ya Fara fad'a yace Lateefa ta tashi ta shiga dakin ta, ya d'ora da cewa ba inda zata je yaje ya zauna da amaryar shi.
Umma ta Kai duban ta zuwa gare shi tace ina fatar ba kashe ma y'ar ka aure zaka yi ba, gaskiya kana nuna ma yarinyar nan gatan da bai dace ba.
Yace ko ke da kika haife ta nace Zan yima kishiya sai anga tashin hankali ballan tana ita, ai kishi a jinin Ku yake.
Nan ya sa Kai ya fice yana ta faman fad'a.
********** ***********
Can gidan su Shureim kuwa an ji Gwaggo shiru kuma ba waya take da ita ba har k'arfe goma bata zoba sai kawai aka yanke hukuncin aje akai amarya d'akin ta k'ila gwagg ta fasa tahowa.
Hakan aka d'unguma Kai amarya, ciki kuwa har da Blkisu matar Muftah su lantana da Hindatu k'anwar margyayi.
Nan dai aka yi Mata hud'uba kowa ya wuce sai Blkisu da Aisha Yagani.
Sai k'arfe goma sha d'aya ango ya shigo shi da Muftah nan ya had'asu ya k'ara yi masu nasiha kan hakk'in miji akan matar shi da kuma hakk'in Mata akan mijin ta.
Bayan yayi addu'ar zaman lafiya ya sa matar shi gaba, Shureim yace su sauke Yagani gida, bayan sun wuce ya rufe gida ya dawo ya taradda Bahijja ta wuce d'aki.
Part d'in shi ya wuce ya watsa ruwa yasa kaya marar nauyi sannan ya fito ya d'auki kayan da ya shigo dasu ya shiga d'akin Bahijja.
Koda ya shiga tayi wanka ta saka kayan bacci, nan ya aji ye kayan yaje kicin ya d'auko plate da cups ya dawo d'akin, ya zuba komai yace ta sauko suci.
Cikin sanyin muryar ta tace yaya na k'oshi.
Yace ki sauko kici ko kad'an ne, ganin cewa bata iya yimai gardama yasa ta sauko, kuma tun fil azal nauyin shi take ji sosai.
Hakan suka ci suka k'oshi, sannan ya umurce ta da ta tashi tayi alwala suyi nafila.
Nan ta rik'a soke Kai ta kasa magana, jin ya maimaita maganar ne yasa ta furta period take.
Hakan yaji ba dad'i duk da bai k'udurta ma ranshi wata doguwar mu'amala tsakanin su.
Hakan suka kwanta saman shimfid'a guda ya janyo ta ya manna saman k'irjin shi.
********* ************
Lateefa kuwa tana gidan su sai juyi take yi saman gado zuciyar ta tamkar zata k'one saboda suya.
Anyi-anyi ta koma d'akin ta tace Sam ita ta gama da Kimba don bazata iya had'a shimfid'a da shiba yaje ya had'a da wata ba.
Ko su Anty Nafeesa sun zo auren Shureim duk yada ake bada baki sun bata kan ta koma d'akin ta amma Abu ya faskara.
Daga baya ma munafukai ta rik'a ce musu tana cewa har da kwaso jiki suzo aure don za ayi Mata kishiya, kuma kishiyar ma data rik'a tamkar k'anwar ta shema.
Anty Nafeesa tayi murmushi tace koda auren ki ko babu dole muje ma Mum auren Shureim.
Duk yada ake bada baki Shureim ya yi amma tak'i sauraren shi, ko ya Kira waya bata d'auka, yayi text message har ya gaji ba reply.
Kuma ko yazo gidan su data jishi take rufe k'ofar ta.
Shi kuma Abban ta yace ba zai takura taba abar ta sai ranar da ta sauko da kan ta.
Yau da safe aka yi bincike Gwaggo bata Kimba bata Jega nan hankalin mutane ya tashi kan rashin takamemen ina take.
Shureim na breakfast shi da Bahijja yana tsokanar ta sama-sama kan cewa abinci ne bata ci sosai shiyasa tak'i yin k'iba.
Ita ko sai murmushi take yi tana soke Kai, cikin hakan ne wayar Shureim ta hau ruri koda ya duba Dad ne ya Kira shi.
Bayan ya d'auka suka gaisa yake ce Mai yayi sauri yazo yana Neman shi sai ya kashe wayar.
Gaggauce ya gama breakfast ya d'auki key d'in mota har ya Kai k'ofar fita daga falon ya waiwayo idon su suka had'e sai ta soke Kai tana murmushi.
Yace Mata dubo kigani, tana tayar da kan ta ya yima hannun shi kiss ya hura Mata iska ya wuce.
Cikin ran ta tace Ashe haka yaya yake da dad'in zama.
Yana shiga ya gaida iyayen shi, nan aka Kora Mai abinda ke faruwa take ya Kira Muftah yace ya bincika Mai asibiti koda akwai masu hatsari, hakan ya Kira sauran doctors na asibitoci da dama yana basu cigiya.
Ba afi minti goma ba sai ga kiran Muftah yace Mai akwai su nan asibitin su kuma ance akwai y'an Kimba ciki.
Nan suka d'unguma shi da Mum da Dad sai asibitin, cikin bincike ne aka gano cewa tana cikin masu rai sai dai k'afar ta d'aya ta karye d'ayar kuma k'ashin k'wauron ta duk ya tartse fuskar ta duk taji rauni.
Nan Dad ya Kira direba yace yaje Kimba yazo da Baban Bahijja, shiko Shureim ya Kira wani friend d'in shi asibitin F.M.C Birnin kebbi kan cewa yanzu zai turo gwaggon shi aduba ta.
(Fan's na gode sosai da kulawar ku, wasu sun Kira sun yimin ta'aziya, wasu sun yimin ta p/chart, wasu ta groups na gode sosai Allah ya bada lada.)
© *SDY* *JEGAL*
[9:10PM, 9/28/2016] *BAHIJJA* *105*- *110*
Koda aka je da ita asibiti duk bata San in da take ba, nan suka yi aune-aunen su Dr Musa yace gaskiya sai an fita da ita Dubai.
Nan take Dad yasa aka yi biza uku ta tafiya, da malam salisu ya Gan ta sai da yayi kuka sosai, yace lallai tabbas rayuwar duniya ba bakin komai bace.
KO kamin su wuce Dubai sai da yaje gidan su Lateefa tak'i Bari ya Gan ta ta shige d'aki ta rufe, abin har ya Fara bama Umma haushi tace ma Shureim ya je kawai ya k'yale ta.
Hakan suka d'unguma da Gwaggo sai Dubai, har suka shigo k'asar Bahijja kuka take yi saboda tausayin halin da Gwaggo take ciki, nan Shureim ya Kama musu d'aki biyu su d'aya Baban Bahijja d'aya.
Bayan ya ajiye su masauki ne aka wuce da Gwaggo asibiti, bayan gwaje-gwajen su suka ce dole d'ayar k'afar wadda k'wauron ta ya tartse sai an yanke ta, d'ayar kuma za ayi Mata d'orin kariya na asibiti, hakan Shureim ya yi duk abinda ya Kama ta sannan ya koma masauki saboda baije da Bahijja ba akan kukan da take yi.
********** ********
Yau kwanan su Bahijja uku da tafiya Mum ta shirya taje gidan su Lateefa.
Tana shiga suka gaisa da Umma tace gani nazo bikon y'ata.
Umma tayi murmushi tace ke kike wahalda kan ki akan wannan sha-sha-shar kawai Ku saka Mata ido har ranar da duniya ta yimata fad'a.
Mum tace ai ba ayi haka ba, suna maganar ne Shema'u ta kawo ma Mum kayan motsa baki, bayan ta ajiye ta durk'usa ta gaida ta.
Mum ta amsa tace shiga ciki ki Kira min Lateefa.
Suna cikin hira ne sai ga Lateefa ta iso nan ta gaida Mum ba yabo ba fallasa.
Mum tayi murmushin su na manya tace Lateefa har yanzu ba agama fushi Dani ba?
Nan ta had'e rai tayi shiru bata ce komai ba.
Mum tace Lateefa kiyi hak'uri shi aure nufi ne na Allah, kuma wannan matar kinsan ba Shureim ya furta cewa zai aure ta ba Dad d'in Ku ne ya yi wannan had'in, kiyi hak'uri ki bar ma Allah kuma kinsan waye Bahijja bata da matsalar zama kiyi hak'uri kinji y'ata.
Tace to shikenan Mum sai na shirya Zan koma.
**** **** **** ****
A can Dubai kuma an yi aiki cikin nasara saura jiran shan magani da sauran warkewar Gwaggo.
Kullum da safe zasu je su duba jikin Gwaggo sai marece su koma masaukin su.
Kullum Bahijja kesa towel ruwa ta shafe ma Gwaggo jikin ta, sannan ta zauna ta rik'a ba ta abinci.
Koda Shureim ya dawo daga masallaci ya taradda Bahijja na sallah, bayan ta idar ne suka zauna suka ci abinci suna k'arasawa yakai duban shi zuwa Gare ta yace Sister shine ba ko sanarwa.
Fahimtar inda ya dosa yasa ta soke kan ta.
Yace na kusa fitar da wannan kunya taki saboda tana takura min.
Nan tayi murmushi tace yaya ka Kira Anty Lateefa?
Yace Antyn ki bata sauko ba har yanzu tana fushi kin k'wace Mata sankacecen saurayi.
Nan take ta zare ido dai-dai ya tada kan shi sai suka had'a ido ita ko ta sunne kan ta tana murmushi.
Hakan ya taso ya rik'a hannun ta ya mik'ar da ita ya yi mata rad'a cikin kunne, da sauri ta fizge hannun ta tayi cikin d'aki.
Yana shiga yace taje tayi alwala zasu yi sallah, hakan tayo alwala sai gaban ta ke dukan uku-uku.
Bayan sun gama ya yi Mata tambayoyin da suka shafi addini kuma tana da ilmin ta gwargwado.
Hakan taje tayi wanka ta feshe jikin ta da turare, shima hakan.
Suna kwanta wa ya Jan yota saman k'irgin shi ya yi Mata kyakkyawar runguma ya ja masu bargo.
(Nidai Jegal nace Allah ya bada d'an Dubai, *LOLX*)
~~~~~~~~~~
~~~~~~~~~~
*WASHE* *GARI*
Yana tashi daga bacci yaje yayi wanka sai da yayi sallah sannan ya had'a ruwa masu d'imi yazo ya yaye bargon da ta rufa dashi ya sunkuce ta sai toilet.
Shi ya yi Mata wanka ya gasa ta, tana cewa nidai yaya banaso tana soke Kai.
Sai da ya gama sannan ya d'auko ta ya nad'e cikin towel ya ajiye ta ya d'an fita.
Ko kamin ya dawo ta lalla6a tayi sallah har ta shirya.
Ashe gurin Baban ta ya shiga suka d'an ta6a hira saboda k'a idar asibitin da aka Kai Gwaggo Mai jinya bai kwana can.
Yana shigowa ya iso ya zauna gefen gado yakai dubanshi zuwa Gare ta sai kuma ya Jan yota ya Kai Mata kiss ita ko duk kunya ta ishe ta.
Yace Heeja Ina son in yi maki wata tambaya d'aya.
Tace Ina jin ka yaya, tana Mai Kai duban ta zuwa gare shi.
Yace ya akayi na same ki budurwa bayan kuma kin yi aure sama da shekara biyu sannan Allah ya kar6i ran margyayi?
Nan idon ta suka yi rau-rau tamkar ta yi kuka.
Ya k'ara Jan yota saman jikin shi yana bubbuga bayan ta cikin rarrashi yace kar kiyi kuka.
Tace ka bari in mun yi breakfast mun je dubo jikin Gwaggo mun dawo Zan gayama.
Ba hakan yaso ba saboda ya matsu yaji ya akayi hakan ta kasance, sai dai baison takura ta.
(Nima dai na matsu in ji yadda hakan ta kasance)
© *SDY* *JEGAL*