BAHIJJA 40-45

[9:10PM, 9/28/2016] *BAHIJJA*40-45
Yau kwana biyu ne kenan Murtala bai sa Bahijja a idon shi ba, sai mamaki yake yi me ya hana mata fitowa.
Yau dai ya yanke shawarar cewa zai je k'ofar gidan su yaduba meke faruwa.
Yana isowa k'ofar gidan su lantana zata shiga gidan.
Nan ya tsaya suka gaisa, yace Ina mutuniyar kwana biyu ban ganta ba?
Nan ta gayamai meke faruwa, ta d'ora da cewa zazzab'i ne ke damun ta shiyasa, amma raunin da sauk'i.
Yace in tana iya fitowa kiyi min magana da ita Zan duba ta.
Suna maganar ne saiga Malam ya fito daga gidan, nan Murtala ya durk'usa har k'asa ya gaida shi, itama lantana ta gaida shi.
Lantana tace Baba yazo duba jikin Bahijja ne.
Malam yace to Ku shiga daga ciki mana, Kai da gidan ku Murtala, Ina maigari da jiki? kwana biyu ban samu lek'awa ba sanadiyyar ciwon y'ar Baba.
Yace yaji sauk'i sosai har ma yana fitowa yanzu.
Malam yace to kushiga daga ciki ni Zan d'an fita ne, in ka koma Ina gaida maigari, inshaAlla Zan lek'o zuwa gobe.
Lantana tayi mashi jagora suka shiga gidan, nan Gwaggo ta tsare su da masifar me suka zo yi gidan ta?
Inda sabo lantana ta saba da masifar Gwaggo don da wuya ta shigo gidan basu saida hali ba.
Lantana tace munzo duba jikin Bahijja ne, tace to taji sauk'i sai asamu damar juyawa gayyar tsiya wai arna a idi.
Lantana ta doshi hanyar d'akin Bahijja, tayi banza da Gwaggo nan ta taradda ita dunk'ule amma jikin da sauk'i tace kid'an taso Murtala ne yazo duba jikin ki.
Hakan ta tashi jiki ba k'wari ta fito, nan suka gaisa da Murtala yana tausaya Mata, har cikin ranshi yake jin bak'in cikin halin da Bahijja take ciki.
Hakan ya fita ya bar gidan Gwaggo na binshi da muguwar harara, lantana ta zauna suka yi hira da Bahijja Gwaggo na binsu da zagi da muguwar harara.
Tana shakkar dukan Bahijja gaban lantana saboda akwai ranar da ta dake ta lantana tace sai ta gayama Malam, dak'yar Bahijja ta shawo kanta ta bar maganar.
Saboda tasan cewa in har lantana ta gayama Baba zata sauke haushin saman kanta tunda dama bata dukan ta gaban shi.
Bayan sun je ya yimata sayayya ne suna kan hanyar dawowa tace "tace Kimba yaushe za ayi maganar auren mu?
Yace Latee ban manta da maganar muba, amma fa Ina da sharad'i guda in har kin kiyaye to Ina Mai tabbatar miki auren mu ba zai wuce wata d'aya ba.
Nan ta bishi da kallon murna had'e da tambayar miye sharad'in?
Ya bata amsa da cewa matsala ta d'aya ce dake, saka matsattsin kaya a gaban kowa kuma ki fita dasu ba tare da kin damu ba.
Wannan ba tarbiya bace kuma ba wayewa bace, in har kika gyra Ina Mai tabbatar miki auren mu na kusa.
Tace in dan wannan ne kar ka damu, kasan cewa Ina yima son da duk abinda kace in daina Zan daina.
Amma fa nima inada nawa sharad'in.
Nan ya bita da kallo had'e da murmushi a fuskar shi, yace Lateefa rigima, Ina sauraren naki sharad'in.
Tace Kimba bani ba kishiya a gidan ka, saboda wallahi nak'i jinin kishiya a rayuwata, bazan iya shearing d'in ka da wata ba, ranar da duk ka yimin kishiya Zan iya kashe Kai na.
Nan ya bita da kallon mamaki, "yace nima a matsayi na na doctor bani da tsarin yin Mata sama da d'aya, sai dai wani iko na ubangiji, saidai in kanada niyya ta bashi amsa.
Hakan suka doshi hanyar gida kowa da abinda yake tunani a zuciyar shi.
Suna shiga Mum ta tari Latee tace kun dawo?
Ta bata amsa da eh, Mum tace ta shiga ciki ta gwada kayan.
Hakan tayi ta gwada kayan tana fitowa Mum na yaba kayan, tace kinga kayan duka sun maki kyau tamkar don ki akayi su.
Shureim ya karb'e da cewa sai ta fitar da wa'ancan ayi sadaka, nan ta bishi da harar wasa ta shige d'akin.
Shureim duk jikin sa yayi sanyi da maganganun Lateefa, dama haka kishi yake ga Mata, gaskiya abin yayi yawa.
Maganar Mum ta dawo dashi hayyacin shi, tace zaka samu zuwa kaiwa Maigari sak'o ko in aiki direba?
Yace Zan duba in inada time, nan shima ya wuce part d'in shi.
(Dank'ari mak'ari, Lateefa muje zuwa, _lolx_)
© *SDY* *JEGAL*
[9:10PM, 9/28/2016] *BAHIJJA* 45-50
Bayan ya shigo garin ne direct yaje shagon Hamisu suka gaisa, nan yake tambayar shi gidan su yarinyar da ya kad'e da mota.
Hamisu yace oh Bahijja, jiya ma sai da naje aka yi Mata allura.
Shureim yace inaso ne ka gayamin gidansu zanje in duba jikin Nata.
Nan hamisu ya yimai misali har ya gane, saboda dama garin ba bak'on shi bane.
Ya kawo gidan kenan malam zai shiga, nan ya durk'usa har k'asa ya gaida shi, yace dama Baba nazo ganin Bahijja ne saboda ni ne tsautsayi ya fad'a na kad'e ta da mota.
Malam yace Allah sarki, sannu yaro zo mu shiga daga ciki.
Suna shiga Gwaggo anga bak'o daga birni jiki ya Fara rawa, nan aka d'auko shimfid'a sabuwa aka shimfid'a.
Sannu da zuwa malam, ina muka had'u da bak'in birni,? sai washe baki take yi.
Yace shine Wanda ya kad'e y'ar Baba yazo duba jikin ta ne, take annurin fuskar ta ya kau.
Ko me ta tuna sai kuma ta Saki fara'a tace bara akira ta.
Nan ta shiga d'aki ta sassauta murya tace yanzu don kina makirar yarinya saida kika gayama Wanda ya kad'e ki gidan Ku, saboda azo aduba ki abaki sababbin kud'i, shegiya Mai mugun hali.
In ma an rasa mashinshi ni ne za a lab'a ga wannan kinsan dai ba abinda d'an birni zaiyi da kucaka irin ki.
Jin malam yace ko bacci take yi ne yasa tace tashi muje kin sako min ido haka tamkar shege a rabon gado.
Har k'asa ta durk'usa ta gaida d'an birni, ya amsa had'e da tambayar ya jikin nata?
Tace taji sauk'i sosai.
Ya cewa malam zai k'arasa cikin gari dama yazo gidan maigari ne.
Malam yace ko Kaine d'an gidan sulemanu na birni?
Yace eh nine Baba, yace Allah sarki ya Baban naka kwana da yawa bamu had'u ba?
Ya bashi amsa da yana nan k'alau zai ma shigo gobe inshaAllah.
Malam yace to madallah, in ka koma kagaya Mai malam salisu na gaida shi.
Yace Zan gayamai, nan ya fitar da kud'i ya aje gaban malam ya tashi.
Malam yace Kai ko yaro har da wata wahala, nan ma Gwaggo ta saka baki tana cewa an gode yaro Allah yayi albrka, Allah ya maida ka gida lafiya.
Malam ya raka shi har waje yana k'ara godiya.
Sun had'u shi da Murtala sai Sheri suke wa maigari.
Murtala yace ka ganshi nan yak'i tafiya yabamu wuri haka nan.
Shureim ya karb'e da cewa k'ila ya zata kujerar maigari muke so ya bar muna gado, ni ko ban komai da ita kujera ta ta doctor ta ishe ni, sai in Kai zai bama.
Murtala ya karb'e da cewa ni ma ban komi da ita.
To ja'irai babu Mai gadon kujerar daga cikin Ku, kun zo kun saka shi gaba da jarabar surutun ku, cewar Baban Murtala.
Nan suka gaida Baban suna dariya.
Yace yaushe Baban naka zai shigo?
Shureim yace gobe zai zo, nima Mum ta matsamin sai nazo na kawo ma maigari dambun nama tare da ferfesu.
Baban yace ai gaskiya hajiya safiya akwai k'ok'ari, Allah dai ya saka mata da alkhairi ya nuna Mata naku matan sun yi Mata.
Nan suka amsa da Ameen.
Shureim yaja Murtala suka fita waje, nan yake bashi labarin yarinyar da ya kad'e.
Murtala yace ayyah Bahijja kenan marainiyar Allah.
Yace yanzu haka inaso in kaima Baba maganar ta saboda ita nake so in Aura.
Nan take gaban Shureim ya fad'i, sai kuma yace ni da nake da Lateefa Me zanyi da wannan y'ar k'auyen, amma nasan tana bani tausayi sosai.
Maganar Murtala ta dawo dashi daga tunanin, yace inaga in baka tashi ba sai na Riga ka aure, da Dad yazo gobe zanyi maganar.
Shureim yace in baka rigani ba Zan rigaka, don nima magana ta da Lateefa na nan inshaAllah.
Yace to Allah ya taimaka kuma ya nuna muna lokacin.
Shureim yace sai yaushe zaka b'ullo?
Yace kasan rigimammen tsofon nan ne ya tsaida ni in ya samu sauk'i Zan shigo.
Nan suka rabu Shureim ya Kama hanyar garin su.
© *SDY* *JEGAL*