BAHIJJA 25-30

[9:10PM, 9/28/2016] *BAHIJJA* 25-30
Hannun ta sauke ta ringa goge Mata jikin ta, tace Bahijja ki dinga kula da hanya kina tafiya a hankali.
Nan Malam ya k'araso yana fad'in meke faruwa?
Gwaggo tace wallahi wani Mai mota ne ya kad'e ta, duk tayi b'arin kayan kaga jikin ta duk Mai ne.
Tace sannu kin ji tashi ki cire kayan in wanke maki.
Tace basshi kawai Gwaggo Zan wanke.
Malam yace y'ar Baba garin yaya hakan ta faru?
Nan ta kwashe komi ta gaya Mai, Gwaggo ta d'ora da cewa ai mutumen yana da mutunci don ya biya kud'in har chemist ya Kai ta.
Nan Malam yace ni dai wannan tallar na soke ta, banga abinda na rage ku da shi ba a gidannan, y'ar Baba na neman halaka garin yawon talla.
Ko yanzu da Allah bai tak'aita ba da sai dai mu rasa ta.
Nan Gwaggo ta d'ora hannu saman Kai ta fasa kuka, oh ni lami! Naga ta kaina.
Babu komi dama nasan duk dad'ewa sai an goran tamin rashin haihuwa.
Yarinyar nan tun tana k'arama nake wahala da ita, sai yanzu da zanci moriyar ta za a nuna min bani na haife taba.
Kuma duk Sana'ar nan da nake yi ita nake ajiye ma kayan d'aki koda auren ta ya tashi.
Ita dai Bahijja ta bita da kallon mamaki, in har da sabo ta saba da wa'annan abubuwan.
Ganin take yi duk duniya babu makirar macce sama da lami.
Malam yace kiyi hak'uri lami, Bahijja dama y'ar kice halak malak, kuma ban rai nama kulawar da kike bata ba.
Allah ya saka maki da mafificin alkhairin sa, kiyi hak'uri kin ji lami.
Nan ya Kama hannun Bahijja ya Kai ta d'akin shi, yace bara in Kai maki ruwa kiyi wanka zaki d'an ji damar jikin ki.
Ya cika roba da ruwa ya Kai Mata toilet, tana shiga ya d'auko kayan da ta cire yasa ruwa.
Gwaggo ta taso tace kawo Malam in wanke.
Yace jeki huta Zan wanke, gashi na b'ata maki rai.
Nan tayi murmushin mugun ta, tace ai ba komai Malam ya wuce.
Bakasan ya nake jin Bahijja a raina bane shiyasa, haka nake jin ta tamkar ni nayi nak'udar ta.
Nan dai suka yita hira har ya wanke kayan ya shanya.
Bahijja na fitowa Gwaggo ta bita da kallon zamu had'u ne.
Nan ta fad'a d'aki jiki sai rawa yake Mata, ga zazzab'i ga tsoron gamon ta da Gwaggo.
© *SDY* *JEGAL*
[9:10PM, 9/28/2016] *BAHIJJA* 30-35
Shureim na shigowa gidan Dad d'in shi na saukowa daga stairs, yace Dad na Kai mashi kuma jikin nashi da sauk'i sosai.
Dama na gaya ma wannan tsohon ba wani ciwo ke damun shi ba face kwad'ayi.
Dad yace son ubanka ne Mai kwad'ayi ba mahaifina ba, nan Shureim yayi dariya sosai.
Mum tace Kai dai kayi rok'on Allah mahaifan ka su kai tsufan shi da nagartar shi, suna tare da Kai.
Shureim yayi murmushi, yace Mum yau naga ikon Allah.
Wallahi yarinya na kad'e da mota kowa ya taru ana jimamin abinda ya faru, amma yarinyar nan kukan waken da ya zube take yi.
Mum tayi murmushi tace kai mutumen k'auye sai a barshi, baiwar Allah yana yuyuwa shine hanyar cin abincin su.
Yace Ina tunanin wadda ta d'ora Mata tallar kamar kakar ta ce ko kuma kishiyar mamar ta.
Mum tace wasu mutanen basu da imani, duk yada aka basu amana sai sun yi zalinci, Allah dai ya shige muna gaba.
Ya amsa da Ameen, har ya tashi zai shige Mum tace Lateefa tazo muna Hutu d'azu, tana ta Neman ka.
Nan ya had'e fuska yace yayi kyau, kawai ya wuce d'akin shi.
Koda ya watsa ruwa ya fito daga toilet ya taradda ita zaune saman gado.
Tace S.S kimba kwana dayawa, in har bani nazo ba Kai ka Saki zumuncin.
Sai da ya k'ara had'e fuska sosai, sannan ya cemata get out of My room.
Jin maganar da yayi cikin tsawa ya bata tabbacin bada wasa yayi maganar ba.
Nan take ta fito falo taga Mum zaune na kallo ta fad'a saman jikin ta tana kukan sangarta.
Mum tace waya tab'a min ke Latee?
Shureim yace Mum har yaushe Zan gaya ma yarinyar nan ta daina shigomin d'aki ba excuse, na gaya Mata duk abinda take so ta Bari sai na fito falo muyi maganar.
Lateefa tace gaskiya ni nagaji da wulak'an cin Kimba, yau Zan tattara kaya na in koma gidan mu inda Nafi gata da tarairaya.
Bayan ta wuce fuuu d'aki, Mum tace haka kakeso ko son?
Yace wallahi Mum don kun sangar ta tane, kamar wannan k'atuwar zata rik'a yiwa mutane Abu tamkar y'ar sha biyu.
Mum ta karb'e da cewa sai ka bita d'akin ka rarraso ta ko zata sauko.
Yace Mum ni rashin tarbiyar Latee ne bata yimin ba, haba dube ta ta saka wasu kaya tamkar gidan inyamurai.
To ka rik'a yi Mata a hankali zata gane, cewar Mum.
Nan ya haura sama ya tunkari d'akin da take sauka in tazo gidan, yana tura d'akin zai shiga da k'arfi ya janyo k'ofa yana maida numfashi.
Sai da ya k'wank'wasa k'ofa ta bashi iznin shigowa sannan ya koma.
Koda ya shiga ta saka kayan ta, dama abinda ya fitar da shi Karon farko, koda ya shiga ya taradda ita daga ita sai bra da mini siket.
Ya samu wuri ya zauna yace "Latee kiyi hak'uri, ba wai bana son kusanci na dake bane, shigar da kike yi ce bana so.
Kinga bai dace ace duk yanda kika so hakan kike zama ba, dubi ko yanzu shigar da kika yi.
Ya nuna ta da yatsa yace dube ki wai wannan Riga ce kika saka, cibiyar ki sake gaban ki ma hakan, siket ke kan ki baki samun tafiyar walwala, haba Latee ya Kama ta ki gyra d'abi'un ki.
Nan ta bishi da kallo cikin muryar ta ta sangar ta tace nifa Kimba kasan bana iya d'aura Zane takuramin yake yi.
Yace to ki rik'a saka dogayen riguna mana ko kuma irin Pakistan haka, tunda sune Riga da wando.
Yace kishirya mu fita in siya miki, amma fa ba zaki Bini hakan ba ace an ganni da Wata k'abila, yana maganar had'e da murmushi a fuskar shi.
Tace yanzu Kimba nice k'abilar? Ta had'e fuska tana buga k'afa sai wani turo baki takeyi.
Yace yi hak'uri k'anwa ta tashi muje, nan ya nufi trolley d'in ta ya duba kayan ba wasu kayan arzik'i a ciki.
Da k'yar ya samu wani dogon wando ciki, ya koma d'akin shi ya d'auko wata suit d'in shi ya bata yace ta saka.
Yana falo zaune ta shirya ta fito da dama ba laifi, ta d'ora wata hula saman kan ta.
Nan Mum ta bita da kallo tace sai Ina Latee?
Ba Kimba ne ya yita yimin fad'a ba, har da cemin ina Kama da k'abila.
Nan Mum tayi murmushi tace k'yale shi Latee ai kinfi shi kyau shiyasa yake k'yashin hakan.
Tace Mum za muje shago ne wai zai yimin sayayyar kaya ne, kinsan saura k'iris ya zama ustaz, duk yada ka saka kaya bakayi dai-dai ba.
Nan ya bita da harara yace komai zaki ce kice, amma ba ke ba saka k'ananan kaya a gidannan.
Nan dai suka fito Mum tace sai kun dawo amma fa kar Ku fita ka yita takura ta.
(Masu kiran ojoro wannan ya isa ko ak'ara? _lolx_)
© *SDY* *JEGAL*
[9:10PM, 9/28/2016] *BAHIJJA* 35-40
Gwaggo na shigo d'akin ta hango Bahijja lullub'e cikin Zane jikin ta sai kyarmar sanyi yake yi.
Duk da hakan saida ta Kai Mata rank'washi ga Kai, tace zaki tashi ne kuma zamu gamu dake, Mai Kama da bebin roba.
Mal ya shigo yace ya jikin nata?
Gwaggo tace da sauk'i sai dai akwai zazzab'i, sannu kinji y'ar Baba.
Yace bara inje chemist d'in hamisu in Kira shi yazo ya bata magani, in ya dace ayi allura duk ya had'ama ta da ita.
Yana fita Gwaggo tace tashi zaune, hakan tayi k'arfin hali ta tashi sai addu'a take jerawa a zuciyar ta na neman kariya da muguntar Gwaggo.
Kamar addu'ar ta Kama ta sai kuma tace koma ki kwanta zamu had'u ne in kika samu sauk'i, sai ta juya ta fita daga d'akin, Saida Bahijja ta Saki ajiyar zuciyar da ni kaina sai da na jiyo ta.
Jin sallamar malam shida hamisu ne ya sa Gwaggo tayi saurin dawowa d'akin, saboda tana tsoron kar asirin ta ya tonu cewa an bada magani ta karb'e ta k'one.
Bayan sun shigo ne ya duba ta sai yakai duban shi ga malam yace ai d'azu Wanda ya kad'e ta da mota yaje da ita guri na har magani an bata, naso in had'a Mata da allura tace bata so.
Nan Bahijja ta Kai duban ta zuwa ga Gwaggo, suna had'a ido da ita ta watsa Mata mugun kallo cikin sauri ta kauce fuskar ta.
Nan ta Kama in-ina tana fad'in immm ina.. Nidai, Baban ya bita da kallo yace ki natsu y'ar Baba ki gayamin ina maganin.
Cikin muryar ta tsoro da kuma zafin ciwon da ke damun ta, tace Ina ga Mai motar ya manta ne ya wuce da maganin don bai bani ba.
Hamisu yace lantana fa ta karb'a da kanta.
Cikin ran Gwaggo tace wannan shegen Mai bin k'wakk'wafi tamkar d'an jarida yana so ya tona min asiri.
Tsinkayo muryar Bahijja tayi tana cewa ai bayan mun fito ne ya karb'a yace zai duba in maganin bai lalace ba, daga hakan inaga mantawa yayi bai bamu ba, nima mantawa nayi.
Nan Gwaggo tayi wata b'oyayyar ajiyar zuciya, hamisu yace to yanzu bara ayi Mata allura sai abata wani maganin.
Nan idon ta ya kawo ruwa tace "Baba bana son allurar abani magani Zan sha.
Yace kiyi hak'uri y'ar Baba ayi allurar bana son zazzab'in nan ne, kuma kinsan yada zazzab'i ke wahalda ke.
Nan ma Gwaggo tasa baki tana cewa ki Bari ayi maki zazzab'in zai sauka.
Ganin Gwaggo ta taso tace bara a rik'a ta yasa ta zabura da k'arfi, don tasan muguntar da zata yi Mata sai tafi allurar zafi.
In har bata manta ba akwai lokacin da tayi wani zazzab'i akazo za ayima ta allura Gwaggo tazo rik'e ta, amma tana ta mintsi ninta da wani Abu tamkar allura, Wanda ita kanta bata gane miye ba.
Ganin ta mik'e ne tace azo amata yasa Gwaggo ta bita da murmushin mugunta.
Nan hamisu ya yimata allurar ya bada magani, bayan ya gama ne Malam yace ta ara mashi kud'i zai sallami hamisu in ya fita kasuwa ya dawo zai bata.
Ba kudin ne bata son ba dawa ba saidai ganin su sababbi dal take dubin yada zata rabuwa dasu, don a tunanin ta in har zata yi wani waken zata je gidan mero Mai adashe ne tabata rancen kud'i in tayi an saida ta bata kud'in, (_lolx_ Gwaggo anga sababbin kud'i.)
Nan dai ta fitar bada son ranta ba taba Malam suka fita.
Bayan ya sallami Hamisu ya dawo ya ebi ruwa ya shiga d'akin yace y'ar Baba tashi kisha magani.
Nan Gwaggo ta karb'i magani tana b'allawa tana ba Malam shiko yaba Bahijja, da hakan har Tasha maganin.
Malam yace in akwai ragowar waken ki sakama y'ar Baba ko zata ci, kamar zata ce babu bansan me ta tuna dashi ba zumbur ta mik'e ta ebo Mata ta kawo.
Nan Malam ya matsa Bahijja sannan ta ci waken duk da tana jin yunwa sosai, saidai tsoron Gwaggo ya hana taci sosai.
Ai wallahi don ina tsoron in hana ta waken nan ne malam ya karb'e ragowar kud'in yace zai je ya siyo Mata abinci, shiyasa na saka Mata waken, zancen da Gwaggo keyi a zuciyar ta kenan.
Tace amma ba komai shegiyar zata tashi ne wallahi duk Zan fanshe kayana ajikin ta, zatayi bayani ne.
© *SDY* *JEGAL*